Abril 21, 2012, Pagbasa

6:1	Niadtong mga adlawa, samtang nagkadaghan ang mga tinun-an, dihay nahitabo nga pagbagulbol sa mga Grego batok sa mga Hebreohanon, tungod kay ang ilang mga balo gitamay sa adlaw-adlaw nga pag-alagad.
6:2	Ug mao nga ang dose, nagatawag sa panon sa mga tinon-an, miingon: “Dili makiangayon nga atong biyaan ang Pulong sa Diyos aron mag-alagad usab diha sa mga lamesa.
6:3	Busa, mga igsoon, pangitaa sa taliwala ninyo ang pito ka tawo nga maayo ang pagpamatuod, napuno sa Espiritu Santo ug sa kaalam, kinsa mahimo natong itudlo ibabaw niini nga buhat.
6:4	Sa tinuod lang, kita magpadayon sa pag-ampo ug sa ministeryo sa Pulong.”
6:5	Ug ang plano nakapahimuot sa tibuok panon. Ug ilang gipili si Esteban, usa ka tawo nga puno sa pagtuo ug sa Balaang Espiritu, ug si Felipe ug si Procoro ug si Nicanor ug si Timon ug si Parmenas ug si Nicolas, usa ka bag-ong pag-abot gikan sa Antioquia.
6:6	Gibutang nila kini sa atubangan sa mga apostoles, ug samtang nag-ampo, ilang gipahamtang ang mga kamot kanila.
6:7	Ug ang pulong sa Ginoo mitubo, ug ang gidaghanon sa mga tinun-an sa Jerusalem midaghan sa hilabihan. Ug bisan ang usa ka dako nga pundok sa mga pari nagmasinugtanon sa pagtoo.

Mga komento