Agosto 7, 2012, Pagbasa

Ang Libro ni Propeta Jeremias 30: 1-2,12-15, 18-22

30:1 Mao kini ang pulong nga midangat kang Jeremias gikan sa Ginoo, nag-ingon:
30:2 “Mao kini ang giingon sa Ginoo, ang Dios sa Israel, nag-ingon: Isulat mo sa usa ka basahon ang tanang mga pulong nga akong gisulti kanimo.
30:12 Kay mao kini ang giingon sa Ginoo: “Dili na matambalan ang imong bali; grabe kaayo imong samad.
30:13 Walay usa nga makahukom sa imong hukom, aron kini mabugkosan; walay mapuslanon nga pagtambal alang kanimo.
30:14 Gikalimtan ka na sa tanan mong mga hinigugma, ug sila dili mangita kanimo. Kay gisamaran ko ikaw sa hampak sa usa ka kaaway, uban sa usa ka mapintas nga silot. Ang imong mga sala nahimong gahi tungod sa kadaghan sa imong mga kasal-anan.
30:15 Nganong naghilak ka tungod sa imong kasakit? Ang imong kasakit dili matambalan. Gibuhat ko kini nga mga butang nganha kanimo tungod sa kadaghan sa imong kasal-anan ug tungod sa imong gahi nga mga sala.
30:18 Mao kini ang giingon sa Ginoo: “Tan-awa, Akong pabalikon ang pagtalikod sa mga tabernakulo ni Jacob, ug ako malooy sa iyang mga atop. Ug ang siyudad pagatukoron sa iyang kahitas-an, ug ang templo pagatukuron sumala sa pagkahan-ay niini.
30:19 Ug gikan kanila mogula ang pagdayeg, uban sa tingog niadtong nagdula. Ug padaghanon ko sila, ug sila dili mokunhod. Ug himayaon ko sila, ug sila dili maluya.
30:20 Ug ang ilang mga anak maingon sa sinugdan. Ug ang ilang panagkatigom magpabilin sa akong panan-aw. Ug ako modu-aw batok sa tanan nga nagsamok kanila.
30:21 Ug ang ilang magmamando maoy usa sa ila. Ug ang ilang principe pagadad-on sa unahan gikan sa ilang taliwala. Ug paduolon ko siya, ug siya motapot kanako. Kay kinsa man ang nagpadapat sa iyang kasingkasing, aron siya makaduol kanako, nag-ingon ang Ginoo?
30:22 Ug kamo mahimong akong katawhan, ug ako mahimong inyong Diyos.”

Mga komento

Pagbilin ug Tubag