Disyembre 22, 2011, Ebanghelyo

1:46	Ug si Maria miingon: “Ang akong kalag naghimaya sa Ginoo.
1:47	Ug ang akong espiritu milukso sa kalipay diha sa Dios nga akong Manluluwas.
1:48	Kay iyang gitan-aw uban ang kalooy sa pagpaubos sa iyang sulogoon nga babaye. Kay tan-awa, gikan niini nga panahon, ang tanang kaliwatan magatawag kanako nga bulahan.
1:49	Kay siya nga bantugan nagbuhat ug dagkung mga butang alang kanako, ug balaan ang iyang ngalan.
1:50	Ug ang iyang kalooy anaa sa mga kaliwatan ngadto sa mga kaliwatan niadtong mga nangahadlok kaniya.
1:51	Nakahimo siyag gamhanang mga buhat pinaagi sa iyang bukton. Iyang gipatibulaag ang mga mapahitas-on diha sa mga tuyo sa ilang kasingkasing.
1:52	Iyang gipalagpot ang mga gamhanan gikan sa ilang lingkoranan, ug iyang gibayaw ang mga mapaubsanon.
1:53	Gibusog niya sa maayong mga butang ang gigutom, ug ang mga dato iyang gipapahawa nga walay dala.
1:54	Iyang gikuha ang iyang alagad nga si Israel, mahunahunaon sa iyang kaluoy,
1:55	ingon sa iyang gisulti sa atong mga amahan: kang Abraham ug sa iyang kaliwat hangtod sa kahangtoran.”
1:56	Unya si Maria mipuyo uban kaniya sulod sa mga tulo ka bulan. Ug siya mipauli sa iyang kaugalingong balay.

Mga komento