Hulyo 24, 2014

Pagbasa

Ang Libro ni Propeta Jeremias 2: 1-3, 7-8, 12-13

2:1	Ug ang pulong sa Ginoo midangat kanako, nag-ingon:
2:2	“Lakaw, ug pagtu-aw ngadto sa mga igdulungog sa Jerusalem, nag-ingon: Mao kini ang giingon sa Ginoo: Nahinumdom ko nimo, naluoy sa imong pagkabatan-on ug sa gugmang putli sa imong pagpakasal, sa dihang misunod ka kanako ngadto sa kamingawan, ngadto sa yuta nga wala gipugas.
2:3	Ang Israel balaan para sa Ginoo, ang una sa iyang mga bunga. Ang tanan nga naglamoy kaniya nakasala. Ang mga daotan modaog kanila, nag-ingon ang Ginoo.”
2:7	Ug gidala ko ikaw ngadto sa yuta sa Carmel, aron kamo makakaon sa bunga niini ug sa pagkamaayo niini. Ug sa pagsulod niini, gihugawan mo ang akong yuta, ug imong gihimo ang akong panulondon nga usa ka dulumtanan.
2:8	Ang mga pari wala magsulti: ‘Hain ang Ginoo?’ Ug ang mga naghupot sa balaod wala makaila kanako. Ug ang mga pastor nagbudhi kanako. Ug ang mga manalagna nanagpanagna diha kang Baal, ug nanagsunod sa mga dios-dios.
2:10	Tabok ngadto sa mga pulo sa Kittim, ug tan-aw. Ug ipadala ngadto sa Kedar, ug hunahunaa pag-ayo. Ug tan-awa kung adunay sama niini nga nahimo sukad.
2:12	Mahibulong ka niini, O mga langit, ug mahimong biniyaan sa hingpit, O mga ganghaan sa langit, nag-ingon ang Ginoo.
2:13	Kay ang akong katawohan nakahimo ug duha ka kadautan. Gibiyaan nila ako, ang Tuboran sa tubig nga buhi, ug sila nagkalot alang sa ilang kaugalingon ug mga atabay, guba nga mga atabay nga dili makasudlan ug tubig.

Ebanghelyo

Ang Balaan nga Ebanghelyo Sumala ni Mateo 13: 10-17

13:10	Ug miduol kaniya ang iyang mga tinon-an ug nanag-ingon, “Nganong nagasulti ka kanila pinaagig mga sambingay??”
13:11	Pagtubag, siya miingon kanila: “Tungod kay gihatag kaninyo ang paghibalo sa mga misteryo sa gingharian sa langit, apan kini wala ihatag kanila.
13:12	Para ni kinsa man, kini ihatag kaniya, ug siya makabaton sa kadagaya. Apan kung kinsa ang wala, bisan ang anaa kaniya kuhaon gikan kaniya.
13:13	Tungod niini nga hinungdan, Nagahambal ako sa ila paagi sa mga palaanggiran: kay nakakita, dili sila makakita, ug sa pagpamati sila dili makadungog, ni kasabot sila.
13:14	Unya, diha kanila natuman ang tagna ni Isaias, kinsa miingon, ‘Pagpaminaw, makadungog ka, pero dili masabtan; ug nakakita, imong makita, apan dili makasabot.
13:15	Kay ang kasingkasing niini nga mga tawo mitubo nga tambok, ug sa ilang mga dalunggan makadungog sila pag-ayo, ug ilang gipiyong ang ilang mga mata, tingali unya makakita sila sa ilang mga mata, ug makadungog sa ilang mga dalunggan, ug sabton uban sa ilang kasingkasing, ug makabig, ug unya ayohon ko sila.’
13:16	Apan bulahan ang imong mga mata, kay nakakita sila, ug ang imong mga dalunggan, kay nakadungog sila.
13:17	Amen ginaingon ko kanimo, sigurado, nga daghan sa mga propeta ug sa mga matarong nagtinguha nga makakita sa imong nakita, apan wala sila makakita niini, ug sa pagpaminaw sa imong nadungog, apan wala sila makadungog niini.