Tesema 28, 2012, Faitauga

1:5	O le fa‘aaliga fo‘i lenei ‘ua matou fa‘alogo ai ‘iā te ia, ma matou faailoa atu ia te outou: o le Atua o le malamalama, e leai foi se pouliuli ia te ia.
1:6	Afai tatou te fai atu ua tatou mafuta faatasi ma ia, a ua tatou savavali i le pouliuli, ona matou pepelo ai lea ma le le tautala moni.
1:7	Ae afai tatou te savavali i le malamalama, faapei o ia foi o i le malamalama, ona tatou mafuta ai lea o le tasi i le isi, ma le toto o Iesu Keriso, lona Alo, e faamamaina i tatou mai agasala uma.
1:8	Afai tatou te fai atu e leai sa tatou agasala, ona tatou faaseseina lea o i tatou lava ma e le o i totonu ia i tatou le upumoni.
1:9	Afai tatou te ta’uta’u atu a tatou agasala, ona faamaoni ai lea o ia ma amiotonu, ‘ina ‘ia fa‘amāgaloina ai a tatou agasala, ma fa‘amamā ‘iā te i tatou i amioletonu uma lava.
1:10	Afai tatou te fai atu tatou te lei agasala, ona tatou faia lea o ia ma pepelo, e le o i totonu foi ia te i tatou lana Afioga.

2:1	O'u atalii laiti, o lenei ou te tusi atu ia te outou, ina ia outou le agasala. Ae afai ua agasala se tasi, ua i ai so tatou Fautua i le Tama, Iesu Keriso, le Toatasi.
2:2	Ma o ia o le togiola mo a tatou agasala. Ma e le gata mo a tatou agasala, ae faapea foi i latou o le lalolagi uma.

Fa'amatalaga