Faitau Muamua
A Reading From the Acts of the Apostles 10: 34, 37-43
10:34 | Ona, Peteru, tatala lona gutu, fai mai: “Ua ou faapea atu i le mea moni, e lē faailoga tagata le Atua. |
10:37 | Ua outou iloa ua faailoa atu le Upu i Iutaia uma lava. Auā e amata mai i Kalilaia, ina ua mavae le papatisoga na talaiina e Ioane, |
10:38 | Iesu le Nasareta, o lē ‘ua fa‘au‘uina e le Atua i le Agaga Pa‘ia ma le mana, na feoa‘i solo ma fai mea lelei ma fa‘amālōlōina i latou uma na fa‘asauāina e le tiapolo. Auā sa ‘iā te ia le Atua. |
10:39 | O molimau fo‘i i matou i mea uma na ia faia i le itūmālō o Iutaia ma Ierusalema, o ia na latou fasiotia i le tautau o ia i luga o le laau. |
10:40 | Na toe fa'atūina o ia e le Atua i le aso tolu ma fa'atagaina o ia e fa'aalia, |
10:41 | e le o tagata uma, a o molimau na muai tofia e le Atua, ‘iā te i matou na ‘a‘ai ma feinu fa‘atasi ma ia, ‘ina ‘ua toetū mai o ia nai ē ‘ua oti. |
10:42 | Ma sa ia faatonuina i matou e talai atu i tagata, ma molimau atu o ia lava ua tofia e le Atua e fai ma faamasino o e ola ma e ua oti. |
10:43 | ‘Ua molimau fo‘i ‘iā te ia o le ‘au Perofeta uma, o lona suafa e maua ai e i latou uma o ē fa‘atuatua ‘iā te ia le fa‘amāgaloina o agasala.” |
Faitauga Lua
O le Tusi a St. Paulo i Kolose 3: 1-4
3:1 | O lea la, pe ‘āfai ‘ua ‘outou toe tutū fa‘atasi ma Keriso, saili i mea oi lugā, o loo afio ai Keriso i le itu taumatau o le Atua. |
3:2 | Mafaufau i mea oi luga, e le o mea o i le lalolagi. |
3:3 | Auā ‘ua ‘outou oti, ma o lea ua lilo ai lo outou ola faatasi ma Keriso i le Atua. |
3:4 | Ina ua Keriso, lou olaga, aliali mai, ona iloa ai lea o outou faatasi ma ia i le mamalu. |
Tala Lelei
O le Tala Lelei a Ioane 20: 1-9
20:1 | Ona sosoo ai lea ma le Sapati muamua, Na vave alu atu Maria le Makatala i le tuugamau, a o pogisa pea, ona iloa atu lea e ia ua fuli ese le maa i le tuugamau. |
20:2 | O lea la, ‘ua momo‘e o ia ma alu ‘iā Simona Peteru, ma le isi soo, e alofagia e Iesu, ona fai atu lea o ia ia te i latou, “Ua latou aveesea le Alii mai le tuugamau, matou te le iloa foi po o fea ua latou tuuina ai o ia.” |
20:3 | O lea la, Na alu Peteru ma le isi soo, ona latou o ai lea i le tuugamau. |
20:4 | O lea la ua taufetuli faatasi, a ‘ua momo‘e vave le isi so‘o, i luma o Peteru, ‘ona muamua atu ai lea o ia i le tu‘ugamau. |
20:5 | Ma ina ua ia ifo i lalo, ‘ua iloa atu e ia o ‘ie lino o lo‘o ta‘oto ai, ‘ae le‘i ulu atu o ia. |
20:6 | Ona sau ai lea o Simona Peteru, mulimuli atu ia te ia, ona ulu atu ai lea o ia i le tuugamau, ‘ua iloa atu fo‘i e ia o ‘ie lino o lo‘o ta‘oto ai, |
20:7 | ma le ‘ie vavae sa i luga o lona ulu, e le tuu faatasi ma ie lino, ae i se nofoaga ese, afifiina e ia lava. |
20:8 | Ona sosoo ai lea ma le isi soo, o lē na muamua taunuu i le tuugamau, sa ulufale foi. Ma sa ia vaai ma talitonu. |
20:9 | Auā e le‘i malamalama lava i latou i le Tusi, e tatau ona toe tu mai o ia nai e ua oti. |
Leave a Reply
E tatau lava saini i totonu e lafo se faamatalaga.