Fepuari 22, 2012, Tala Lelei

6:1	Ma alu ese mai iina, ‘ua alu atu o ia i lona lava nu‘u; ona mulimuli atu ai lea o ona soo ia te ia.
6:2	Ma ina ua oo mai le Sapati, ‘ua amata fo‘i ‘ona a‘oa‘o atu o ia i le sunako. Ma le tele, ina ua faalogo ia te ia, sa ofo i lana mataupu, fai mai: “O fea na maua mai ai e lenei tagata nei mea uma?” ma, “O le a lenei poto, ua tuuina atu ia te ia?” ma, “O ia galuega mamana, o mea na faia e ona lima!”
6:3	“E le o le kamuta ea lea, le tama a Maria, le uso o Iakopo, ma Iosefa, ma Iuta, ma Simona? E le o iinei ea foi ma i tatou ona tuafafine??” Ona latou tausuai tele ai lea ia te ia.
6:4	Ona fetalai atu lea o Iesu ia te i latou, “E leai se perofeta e aunoa ma le mamalu, vagana ai i lona lava atunuu, ma i lona lava fale, ma i lona lava aiga.”
6:5	Ma sa le mafai ona ia faia se vavega iina, vagana ai na ia faamaloloina ni nai tagata mamai i le faaee atu o ona aao ia te i latou.
6:6	Ma sa ia mafaufau, ona o lo latou le talitonu, ‘ua fealua‘i fo‘i o ia i nu‘u ‘a‘ai, aoao atu.
6:16	Ina ua faalogo Herota, o lana tala lea, “O Ioane na ou vavaeeseina lona ulu, o ia lava ua toe tu mai i e ua oti.”
6:17	Auā na ‘auina atu e Herota lava ia e pu‘e Ioane, ma saisai i filifili i le falepuipui, ona o Herotia, le avā a lona uso o Filipo; auā na fai avā o ia ‘iā te ia.
6:18	Auā na fai atu Ioane ‘iā Herota, “E sa i le tulafono ona e fai avā i lou uso.”

Fa'amatalaga