Iuni 28, 2012, Tala Lelei

7:21	E le o i latou uma e fai mai ia te au, ‘Le Alii e, Alii e,’ e ulu atu i le malo o le lagi. A o lē faia le finagalo o lo‘u Tamā, o lē o i le lagi, o ia lava lea e ulu atu i le malo o le lagi.
7:22	E toatele o le a fai mai ia te au i lena aso, ‘Le Alii e, Alii e, matou te le‘i vavalo ‘ea i lou suafa?, ma tulia temoni i lou suafa, ma faia galuega mamana e tele i lou suafa?'
7:23	Ona ou faailoa atu ai lea ia te i latou: ‘Ou te le‘i iloa lava oe. Alu ese ia mai ia te au, outou e fai amio leaga.’
7:24	O lea la, o i latou uma o ē fa‘alogo i a‘u ‘upu nei ma faia, e fa‘atusaina i latou i le tagata poto, o lē na fausia lona fale i luga o le papa.
7:25	Ona to mai lea o timuga, ona oso ai lea o tafega, ma ua agi mai le matagi, ma faataalise atu i lena fale, ae lei pa'u, aua ua faavaeina i luga o le papa.
7:26	O i latou uma fo‘i e fa‘alogo i a‘u ‘upu nei, ‘ae lē faia, e pei o se tagata valea, o lē na fausia lona fale i luga o le oneone.
7:27	Ona to mai lea o timuga, ona oso ai lea o tafega, ma ua agi mai le matagi, ma faataalise atu i lena fale, ma sa pau, sa tele fo‘i lona malaia.”
7:28	Ma sa tupu, ina ua faauma e Iesu ia upu, ona ofo ai lea o le motu o tagata i lana mataupu.
7:29	Auā na ia a‘oa‘o atu ‘iā te i latou e pei o lē ‘ua i ai le pule, e le pei foi o latou tusiupu ma faresaio.

Fa'amatalaga